Dereson Chan's Blog

平時我都幾鐘意係網路上睇唔同題材影片，特別係Youtube，因為Youtube係一個由2006開始既平台，當中有創作者都係多不勝數，感覺上就咁睇Youtube都已經可以睇足一日， 無意中就養成左一無聊就好自然會開Youtube嚟睇既習慣。 依個習慣令到我發現左係依個平台真係有好多唔同種類既創意作品，包括唔同既LEGO創作者，將遊戲中既冷兵器實體化既冷兵器專家，但對我嚟講最有趣既都係可以將一D平日好無聊既野有趣化創作者，而係今次既BLOG我就想同大家分享一個我幾鐘意既創作者「bill wurtz」。  佢既創作都係將唔同既野加入音樂同視覺效果，比大家一種唔同角度去睇一樣事物。例如，佢既Histroy系列，依個系列亦都係我第一次接觸佢依個CHANNEL既影片嚟，佢將本身十分沉悶沒趣的日本歷史透過加上唔同既視覺效果同音效，再加上佢本人有趣生動的旁白，將成件事製造成一條每個人睇都會覺得十分吸引的影片，係不知不覺間就會睇曬成條片。依種創作令到我腦洞大開，發現無論一件事本身幾無趣都好，透過創意，可以將佢變成一樣人人喜愛既事易物。依樣野令到我對於創作同創意既興趣直接大增，希望有一日自己都可以做到類似既野，將一D看似沉悶既知識以幽默搞笑既方面提供給大眾快樂。                       Reference https://www.youtube.com/watch?v=Mh5LY4Mz15o&ab_channel=billwurtz 

經過依一年既香港人，對於社會既不公、荒謬已經逐漸變成習慣，香港漸漸變成一個陌生既場方，由一個大家可以暢所欲言，對社會發生任何事都可以發聲既地方變成一個連講野都需要重新審視每個字眼先講得既監牢，望住身邊既人慢慢對前路失去信心，自己都慢慢咁被影響，開始對未來有種不安感，不自覺間就停下左腳步，利用住保護香港之名去包裝自己對自己隨時失去家園既不安，陷入左黑暗既旋渦，不知不覺間自己對前路亳無想法。 就係依個咁迷茫既時候，全世界突然間比一場全世界都知由邊個整出嚟既「武漢肺炎」打左一大巴，全世界既經濟突然一個被衝擊，香港亦因為疫情既出現，政府本來已經有既白色恐怖再進一步加強，利用疫情既各種打壓社會運動同人櫂。雖然係咁，但經歷左一年以嚟既香港人已經學識BE WATER，逐漸由街頭抗爭延伸到了日常生活，大家各種開始利用創意，做出左各種唔同風格既文宣繼續向外宣傳，白色恐怖逐漸擴大既同時亦擴大自己既創意，當佢地唔比我地唱文字歌，我都就唱數字;當佢地唔比我地拎有字既紙，就拎空白既紙。 依個唔再重視市民既政府想我地放棄掙扎接受強櫂既統治、想我地為左自己既生活而跪低，香港人卻依然企係到以各種方式繼續努力奮鬥。以各種不合作同支持黃色圈既方式繼續堅持對不公既抗爭，漸漸不再單單係為左保護「香港」依個家園，而係為左係依個強櫂之下生存落去。 當我見到身邊人既決心，心中開始出現左新既想法，係依個時勢，能夠發揮創意既人逐漸成為現時香港最重視最重要既一群，亦發覺唔可以係所有人都努力繼續向前既時候仲留係原地停滯不前，我決定左要繼續升學，學更多唔同既技能，利用自己所擁有既創意去改變現況，即使係依個咁艱難既時候都唔可以輸比依個冷眼望住我地政府。 即使前路有幾黑暗，但我地只要堅持落去，努力永遠都唔會白費，黎明總會有一日來臨，曙光會再次照亮我地依個真正愛惜既家園。 5201314